पुरानो सामग्री — सेप्टेम्बर २०२६

बैतडीको एक गाउँपालिकामा रातिको वर्षापछि गएको पहिरोले तीन घर पुरिएका छन्। सबै परिवार समयमै सुरक्षित स्थानमा निस्किएकाले मानवीय क्षति भएको छैन।

सरकारले यसवर्षको धान खरिद समर्थन मूल्य प्रतिक्विन्टल ३,२०० रुपैयाँ तोकेपछि कैलालीका किसानले असन्तुष्टि जनाएका छन्। मल र डिजेलको मूल्यवृद्धिले उत्पादन लागत बढेको उनीहरूको भनाइ छ।

सुदूरपश्चिम प्रदेश सरकारले ३४ अर्ब ८० करोड रुपैयाँको बजेट प्रस्तुत गरेको छ। भौतिक पूर्वाधारमा सबैभन्दा बढी रकम विनियोजन भएको छ भने स्वास्थ्य र शिक्षाको अनुपात घटेको छ।

धनगढी प्रिमियर लिगको सातौं संस्करण आउँदो महिना सुरु हुँदै छ। यसवर्ष पहिलोपटक फ्लडलाइटमा साँझको खेल आयोजना गरिने भएको छ।